Papel.

"Classmates, pahingi ng papel."

"May papel ka ba?"

"Sino ang may papel?"

Ganyan ang karaniwang maririnig mo sa isang silid-aralan lalo na kapag may quiz at hindi sa isang quiz notebook ilalagay ang isang quiz. Aminado akong lagi akong ganyan dahil wala akong papel. Alam niyo kung bakit? Una sa lahat, ayaw na ayaw kong nagdadadala ng papel. Bakit ko nasabi iyan? Kasi nga, madaling maubos lalo na kapag may mga quiz at ako rin ang mawawalan. Mabuti nang humingi na lamang kaysa naman magsinungaling ako na wala na akong papel, hindi ba? Pangalawa, nakatatamad. Tumataba at bumibigat na kasi ang bag ko na parang masisira na dahil marami na itong nakakain na gamit ko kaya't ayoko nang lagyan pa ito. Pangatlo, sabi nila, "SAVE MOTHER EARTH" hindi ba? Kaya naman para hindi na mailagay sa panganib si Mama Earth, manghihingi na lang ako. Isa pa sa mga dahilan ay MAAKSAYA AKO SA PAPEL.Oo, mas magastos ako sa papel kumpara sa pera. Ayun lang.