Be my Valentine.

Wala akong boyfriend kaya wala akong ka-date sa araw ng mga puso at isa pa ay wala akong balak magkaroon ng kasintahan. Wala kayong pakialam kung single ako at walang jowawa pero pakialamera ako kung kaya naman ay marami akong satsat ukol sa mga naghahanap ng kasintahan ngayon bago mag-araw ng mga puso. Sa tingin ko kasi ay kaya lang sila naghahanap para hindi sabihin ng mga friends nila na malamig ang Valentine's Day nila. Masarap kaya ang buhay single. Try mo. Hindi ko naman kasi kailangan ng boyfriend. Sakit lang iyan sa ulo at isa pa bata pa ako para diyan. Yung iba nga, Grade Six pa lang may jowa na. Ang babata pa paglalandian *Sorry for the term, I just have to be straight to the point.* na ang inaatupag. Bakit hindi na muna kayo mag-aral tapos mag-boyfriend na lang kayo kapag may trabaho na? Oo nga at cute tignan pero kung Grade Six ka pa lang at may jowa ka na, ay nako! Noong Grade Six pa lang ako ay paglalaro lang ng jackstone, ten-twenty, Chinese garter at patintero lang ang inaatupag ko at ng mga kaibigan ko. Grabe, iba na talaga ang mga kabataan ngayon. (Kung makapagsalita ako parang ang tanda ko na e noh?) Bakit hindi ka na lang makipagdate sa mga aklat mo sa paaralan at mag-aral ng mabuti dahil may pagsusulit na naman? Haaay, ewan.

Ang weird ba? Parang ang layo na ng post ko sa topic. Pero hindi bale na, basahin niyo na lamang. Hindi ako kumokontra sa mga may jowa at naghahanap pa lang ng jowa. Nais ko lang ipahayag ang aking naoobserbahan sa mga panahon ngayon. Pero ilalagay ko na lang ang aking opinyon sa pagkakaroon ng boyfriend tutal naman ay malapit na ang araw ng mga puso, may konek na rin naman ito kahit kaunti. Gusto ko kasi na ang unang magiging boyfriend ko, ay siya na ang makakasama ko sa aking pagtanda. Ang cute kayang tignan at ang sweet hindi ba? Pangalawa, books before boys muna. Ayon sa aking naobserbahan ay karamihan sa mga may jowa ay nadidistract pero yung iba naman ay hindi. Pero mabuti na rin iyong nag-iingat. Pangatlo, NAKAKA-EMO.  Lalo na kapag nag-away o nagtalo kayo. Kaya para na rin makaiwas sa heartbreaks. Pang-apat ay hindi pa ako handa sa mga ganyang bagay. Pang-lima, baka hindi na naman ako makahinga kapag nagkataon. :] Pang-anim, Strict ang parents ko at ako sa sarili ko. Last but DEFINITELY NOT THE LEAST, I put God first in my heart.